Njoftim i datës 28 shkurt 2025 – për vend vakant: “Teknik Mirëmbajtje”

Në bazë të Ligjit nr. 7961, datë 12.7.1995 “Kodi i Punës i Republikës së Shqipërisë” i ndryshuar, Ligjit nr. 7850, datë 29.7.1994 “Për Kodin Civil të Republikës së Shqipërisë” i ndryshuar, Vendimit të Këshillit të Ministrave nr.673, datë 16.10.2019 “Për organizimin dhe funksionimin e Agjencisë Kombëtare të Arsimit, Formimit Profesional dhe Kualifikimeve” dhe Vendimit të Këshillit të Ministrave nr. 19, datë 9.1.2025 “Për përcaktimin e numrit të punonjësve me kontrate të përkohshme, për vitin 2025, në njësitë e qeverisjes qendrore”, Agjencia Kombëtare e Arsimit, Formimit Profesional dhe Kualifikimeve (AKAFPK), shpall konkursin për pozicionin e punës “Teknik Mirëmbajtje” me kontratë me afat të caktuar gjatë gjithë vitit 2025 dhe me kohë të pjesshme (6 ore/ditë).  Kriteret:

• Kandidatët “Teknik Mirëmbajtje”, duhet të plotësojnë këto kritere :

1. Të ketë mbaruar arsimin e mesëm;
2. Të ketë aftësi të mira komunikuese;
3. Të jetë shtetas shqiptar;
4. Të ketë zotësi të plotë për të vepruar;
5. Të zotërojë gjuhën shqipe, të shkruar dhe të folur;
6. Të jetë në kushte shëndetësore që e lejojnë të kryejë detyrën përkatëse;
7. Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
8. Të mos jetë marrë ndaj tij masa disiplinore, që nuk është shuar sipas ligjit.

Përgjegjësitë:

• Detyra e Teknikut të mirëmbajtjes përmban këto përgjegjësi:

1. Të sigurojë mirëmbajtjen e ambienteve të brendshme të institucionit (dyer, dritare, tavolina, karrige, dysheme, pajisje sanitare, priza etj.).
2. Të kontrollojë dhe të raportojë për gjendjen e pajisjeve dhe mobiljeve, duke përfshirë riparimet e mundshme.
3. Të raportoje kur një pajisje del jashtë funksionit dhe nuk mund të riparohet në institucion.
4. Të ndihmojë në ngarkimin dhe shkarkimin e materialeve zyrtare.
5. Të respektojë rregullat e sigurisë dhe shëndetit në punë.
6. Të bashkëpunojë me departamentet e tjera për mirëmbajtjen e ambienteve të zyrës.
7. Të kryejë detyra të tjera që mund të jepen nga drejtuesit e drejtorive/sektorëve për mirëmbajtjen e zyrave.

• Kandidatët duhet të dorëzojnë pranë AKAFPK-së, këto dokumente:

1. Kërkesë me shkrim;
2. Jetëshkrim (CV);
3. Fotokopje të letërnjoftimit (ID);
4. Kopje të noterizuar të arsimit përkatës;
5. Fotokopje të librezës së punës (nëse ka) (të gjitha faqet që vërtetojnë eksperiencën në punë);
6. Vërtetim të gjendjes shëndetësore (Raport mjekësor për aftësitë në punë);
7. Dëshmi penaliteti;

Mosparaqitja  e dokumenteve ose mosparaqitja e plotë e tyre, sjell s’kualifikim të kandidatit. Afati i dorëzimit të dokumentacionit: 06.03.2025, nëpërmjet adresës së emailit info.akafp@akafp.gov.al ose dorazi në AKAFPK.