AGJENCIA KOMBËTARE E ARSIMIT, FORMIMIT PROFESIONAL DHE KUALIFIKIMEVE

[ivory-search id=”1574″ title=”test”]

NJOFTIM i datës 20 Tetor 2022 – KËRKOHEN BASHKËPUNËTORË NË FUSHËN E RISHIKIMIT TË STANDARDEVE TË KUALIFIKIMEVE PROFESIONALE

Agjencia Kombëtare e Arsimit, Formimit Profesional dhe Kualifikimeve (AKAFPK), në mbështetje të Ligjit nr.7850, datë 29.07.1994, “Kodi Civil i Republikës së Shqipërisë”, i ndryshuar, nenet 659, 850 – 876, Ligjit nr.69, datë 21.06.2012, “Për Sistemin Arsimor Para universitar në Republikën e Shqipërisë” i ndryshuar, Ligjit nr. 15/2017, datë 16.02.2017 “Për  Arsimin dhe Formimin Profesional në Republikën e Shqipërisë”, Ligjit nr. 23/2018 Për disa ndryshime dhe shtesa në ligjin nr. 10 247, datë 4.3.2010, “Për Kornizën Shqiptare të Kualifikimeve” Ligji nr.9380, datë 28.04.2005 “Për të drejtën e autorit dhe të drejtat e tjera të lidhura me të”, i ndryshuar, Ligjit nr. 9367, datë 07.04.2005, “Për parandalimin e konfliktit të interesave në ushtrimin e funksioneve publike” i ndryshuar, VKM nr. 673 datë 16.10.2019 “Për organizimin dhe funksionimin e AKAFPK-së”, Rregullorja e brendshme e AKAFPK-së me nr. 33 dt.15.01.2020, “Për përzgjedhjen dhe shpërblimin e specialistëve të jashtëm me kontratë për realizimin e veprimtarive zhvillimore në fushën e AFP-së”, e ndryshuar me urdhrin nr. 8, datë 05.01.2022, nr. 10 protokolli,  shpall konkurrimin për bashkëpunëtorë lidhur me:  

“Tekstil – Konfeksione”, niveli II  në KSHK (Rishikim),  

“Punime dhe riparime rrugësh”, niveli III  në KSHK (Rishikim).  

Kandidatët për hartimin e standardeve  të kualifikimeve profesionale “Tekstil – Konfeksione”, niveli II  në KSHK (Rishikim) dhe “Punime dhe riparime rrugësh”, niveli III  në KSHK (Rishikim), duhet të plotësojnë respektivisht këto kritere:  

  • Kërkesa të përgjithshme: 
  1. Të kenë përvojë pune në fushën përkatëse ose në mësimdhënie në drejtimin apo profilin përkatës; 
  2. Të kenë aftësi të mira komunikuese dhe të punës në grup; 
  3. Të kenë aftësi për të përdorur literaturë në gjuhë të huaj; 
  4. Të përdorë kompjuterin.   
  • Kërkesa të veçanta për hartuesit e standardeve të kualifikimeve profesionale, ekspertë nga biznesi: 
  1. Të kenë, aktualisht,  të paktën 3 vite përvojë pune në fushën profesionale përkatëse apo në mësimdhënie në profilin apo drejtimin përkatës; 
  2. Të kenë mbaruar arsimin e mesëm ose të lartë dhe të ketë kualifikime në fushën përkatëse; 
  3. Të njohin metodologjinë e hartimit të standardeve të kualifikimeve profesionale; 
  4. Të kenë marrë pjesë në veprimtari të ndryshme trajnuese për zhvillim e tyre profesional.  
  • Kërkesa të veçanta për hartuesit e standardeve të kualifikimeve profesionale, ekspertë nga ofruesit:  
  1. Të kenë mbaruar arsimin e mesëm ose të lartë në fushën e përkatëse; 
  2. Të zotërojnë aftësitë e nevojshme të fushës përkatëse të kualifikimit profesional; 
  3. Të ketë eksperiencë pune si mësues/instruktorë praktikash profesionale ose si bashkëpunëtor i AKAFPK-së. 
  • Preferohen ata kandidatë, të cilët janë trajnuar për përmbajtjen e kualifikimit profesional të sipërpërmendur apo për vlerësimin përfundimtar të nxënësve të shkollave profesionale, si edhe ata që janë autorë tekstesh mësimore të fushës profesionale përkatëse apo kanë qenë bashkëpunëtorë të AKAFPK-së.  
  • Kandidatët duhet të paraqesin dokumentacionin e mëposhtëm: 
  1. Kërkesë për Aplikim. 
  2. CV 
  3. Fotokopje e Diplomës/Certifikatës që dëshmon kualifikimin në fushën përkatëse profesionale. 
  4. Dokument vërtetues për eksperiencën në punë (fotokopjo e librezës së punës ose vërtetim). 
  • Ky angazhim do të realizohet për një periudhë me kohëzgjatje 2 (dy) mujore. 

Kandidatët duhet të paraqesin dokumentet brenda datës 27.10.2022, ora 14.00. 

Aplikuesit do të vlerësohen në bazë të dokumentacionit të dorëzuar në AKAFPK, në përputhje me kërkesat e këtij njoftimi dhe do të njoftohen brenda 5 ditësh (kalendarike) nëpërmjet email-it për rezultatin e aplikimit të tyre. 

Të gjitha njoftimet lidhur me procedurat e aplikimit do të gjenden në adresën e internetit të Agjencisë Kombëtare të Arsimit, Formimit Profesional dhe Kualifikimeve www.akafp.gov.al

Dokumentacioni dorëzohet në zyrat e AKAFPK-së në adresën Rruga “Mustafa Lleshi”, Godina e Thesarit, Kati i tretë, Tiranë  ose në formë elektronike në Email: info.akafp@akafp.gov.al.