AGJENCIA KOMBËTARE E ARSIMIT, FORMIMIT PROFESIONAL DHE KUALIFIKIMEVE

[ivory-search id=”1574″ title=”test”]

Njoftim i datës 30 janar 2017- kërkohen bashkëpunëtorë për hartimin e materialeve mësimore

 Për të mbështetur zbatimin e Skeletkurrikulave të Arsimit Profesional, Agjencia Kombëtare e AFPK kërkon të angazhojë bashkëpunëtorë për hartimin e materialeve mësimore për lëndët profesionale të mëposhtme (në shtojcën e mëposhtme tregohen edhe programet sintetike përkatëse të këtyre lëndëve). 
  1. Lëndët profesionale për të cilat do të hartohen materialet mësimore:
1.1. Për lëndën profesionale “Tregti”, kl.13 (128 orë), të profilit mësimor “Tregti”, Niveli IIII. 1.2. Për lëndën profesionale “Teknikë ndërtimi”, kl.11 (136 orë), të drejtimit mësimor “Ndërtim”, Niveli I 1.3. Për lëndën profesionale “Sigurime”, kl.13, (160 orë), të profilit mësimor “Sigurime”, Niveli III. 1.4. Për lëndën profesionale “Teknologjia mekanike”, kl.10 (108 orë), të drejtimit mësimor “Mekanikë”, Niveli I.  2.Kërkesat për hartuesit e materialeve mësimore:  2.1. Kërkesa të përgjithshme për hartuesit e materialit mësimor:
  1. Të kenë përvojë si mësues në arsimin e mesëm parauniversitar ose universitar;
  2. Të kenë përvojë pune në fushën/drejtimin përkatës;
  3. Të kenë aftësi të mira komunikuese dhe të punës në grup;
  4. Të kenë aftësi për të përdorur literaturë në gjuhë të huaj;
  5. Të përdorin kompjuterin. 
2.2. Kërkesa të veçanta për hartuesit e materialit mësimor:
  1. Të kenë mbaruar arsimin e lartë në fushën/drejtimin përkatës;
  2. Të kenë përvojë në hartimin e materialeve mësimore dhe/ose teksteve shkollore;
  3. Të kenë përvojë si mësimdhënës në lëndët profesionale të fushës/drejtimit përkatës;
2.3. Kandidatët duhet të paraqesin dokumentacionin e mëposhtëm:
  1. Kërkesë për Aplikim;
  2. CV;
  3. Fotokopje e Diplomës së shkollës së lartë 
Kandidatët duhet të paraqesin dokumentet brenda datës 03 Shkurt 2017, ora 14:00. Të gjitha njoftimet lidhur me procedurat e aplikimit do të gjenden në adresën e internetit të Agjencisë Kombëtare të Arsimit, Formimit Profesional dhe Kualifikimeve akafp.gov.al Dokumentacioni dorëzohet në AKAFPK, pranë zyrës së Administratës. Rruga “Naim Frashëri”, Nr. 37, Tiranë. Tel. 4 22 30 497 Email: info@akafp.gov.al Bashkëlidhur shtojca