Njoftim i dates 23 dhjetor 2025 per Vlerësimin e jashtëm për akreditimin institucional të ofruesit jo publik të AFP-së

Agjencia Kombëtare e Arsimit, Formimit Profesional dhe Kualifikimeve (AKAFPK), në mbështetje të Kushtetutës së Republikës së Shqipërisë, të ndryshuar, Ligjit nr. 7961 datë 12.7.1995 të “Kodit të Punës të Republikës së Shqipërisë”, i ndryshuar, Ligjit nr. 44/2015 “Kodi i Procedurave Administrative i Republikës së Shqipërisë”, Ligjit Nr. 15/2017 “Për Arsimin dhe Formimin Profesional në Republikën e Shqipërisë”, i ndryshuar, Ligjin nr. 10247 datë 04.03.2010 “Për Kornizën Shqiptare të Kualifikimeve” i ndryshuar, Ligjit Nr. 69/2012 “Për sistemin Arsimor Parauniversitar në Republikën e Shqipërisë”, i ndryshuar, VKM-së nr. 673 datë 16.10.2019, “Për Organizimin dhe Funksionimin e Agjencisë Kombëtare të Arsimit, Formimit Profesional dhe Kualifikimeve”, Vendim nr. 427, datë 26.6.2019 “Për miratimin e kritereve dhe të procedurave për përfshirjen e kualifikimeve për të nxënit gjatë gjithë jetës, sipas niveleve të kornizës shqiptare të kualifikimeve, për arsimin dhe formimin profesional”, Urdhrit Nr. 845, datë 03.07.2025 “Për Miratimin e Rregullores për Standardet, Kriteret dhe Procedurat e Akreditimit të Ofruesve të Arsimit dhe Formimit Profesional”, Urdhrit nr. 21, datë 13.4.2023 “Për miratimin e Udhëzuesit për procedurat e përzgjedhjes dhe shpërblimit të specialistëve të jashtëm me kontratë dhe bashkëpunëtorëve në projekte me kontratë për realizimin e veprimtarive zhvillimore të AKAFPK”, si dhe aktet e tjera ligjore dhe nënligjore në fuqi të cilat lidhen me veprimtarinë e këtij institucioni, shpall konkurrimin për bashkëpunëtorë lidhur me: Vlerësimin e jashtëm për akreditimin institucional të ofruesit jo publik të AFP-së, ALBACADEMY Tiranë, që ofron njesitë e të nxënit, pjesë integrale e kualifikimit profesional “Menaxhimi i strukturave akomoduese” Niveli V i KSHK-së si më mëposhtë: Njësia e të nxënit “Planifikimi dhe organizimi i punës në strukturat akomoduese”         Kodi: G1-07-V-0117-24;   Njësia e të nxënit “Shitje dhe marketing”                                          Kodi: G1-07-V-0123-24; Njësia e të nxënit “Komunikimi dhe etika profesionale”                   Kodi: G1-07-V-0125-24;     Specifikimet e detyrës për të cilën do të angazhohen specialistët e jashtëm për procesin e  akreditimit: Grupi i Vlerësimit të Jashtëm përbëhet nga 3 (tre) vlerësues të jashtëm. Grupi i vlerësimit të jashtëm analizon dokumentet dhe të dhënat e ofruesit të AFP-së dhe harton planin paraprak të vizitës në terren, e cila zgjat 1–3 ditë, sipas planit të dakordësuar. Anëtarët e GVJ-së mbledhin evidencat e nevojshme, sipas standardeve dhe kritereve të akreditimit, nëpërmjet mënyrave të ndryshme për mbledhjen e informacionit dhe hartojnë raportin përfundimtar të akreditimit. Kandidatët e interesuar për këtë shërbim duhet të plotësojnë këto kërkesa:   Kërkesa të përgjithshme 

• të kenë aftësi komunikuese me shkrim dhe me gojë
• të kenë aftësi të punës në grup
• të përdorin programet bazë të kompjuterit
• të zotërojnë teknikat e komunikimit elektronik
• të përdorin literaturë në gjuhë të huaj

Kërkesa të veçanta: 

• të kenë përfunduar arsimin e lartë (të paktën niveli 7 i KSHK-së);
• të kenë jo më pak se 5 vite përvojë pune, në AFP dhe/apo në fushat profesionale përkatëse;
• të jenë të certifikuar si vlerësues të jashtëm të procesit të akreditimit;
• të kenë ndjekur trajnimin e vazhduar profesional për procesin e akreditimit;
• të mos jenë të përjashtuar nga e drejta për të vepruar si vlerësues të jashtëm të procesit të akreditimit.
• të kenë nënshkruar formularin e deklarimit që nuk kanë konflikt interesi me AKAFPK-në dhe ofruesin e AFP-së, sipas formatit bashkëlidhur (Shtojca 1).
• të mos jenë të dënuar me vendim të formës së prerë nga gjykata për kryerjen e një vepre penale.

Paraqitja e dokumenteve Kandidatët duhet të paraqesin dokumentacionin e mëposhtëm:

• Kërkesë për aplikim referuar njoftimit përkatës për aplikim e firmosur nga kandidati
• Fotokopje e dokumentit të identifikimit
• Jetëshkrimi (CV-shqip)
• Fotokopje e dokumenteve të diplomimit/certifikimit që vërtetojnë kualifikimin përkatës.
• Dokument zyrtar që vërteton kohëzgjatjen e përvojës në punë, në fushën përkatëse (fotokopje të librezës së punës, vërtetim nga e-albania).
• Kopje të Certifikatës së lëshuar nga AKAFPK-ja si vlerësues i jashtëm në procesin e akreditimit të IoAFP-ve
• Deklaratën e nënshkruar që nuk ka konflikt interesi me stafin e AKAFPK-së dhe ofruesin jo publik të AFP-së ALBACADEMY Tiranë, sipas formatit bashkëlidhur. (Shtojca 1).
• Dëshmi penaliteti
• Çdo dokumentacion tjetër që vërteton kryerjen e kualifikimeve, trajnimeve apo specializimeve të ndryshme (në se disponon).

Numri i anëtarëve të grupit për detyrën përkatëse: Numri minimal dhe maksimal i anëtarëve të grupit për vlerësimin e jashtëm për akreditimin institucional është 3 (tre) anëtarë. Kohëzgjatja e kontratës: Kontrata lidhet për një periudhë  6 (gjashtë) mujore ose kjo kontratë do të pranohet e përmbushur kur ka plotësuar pikën “b” të fazës së III të neni nr. 12 si dhe të pikës 5 të neni 20 të Urdhrin nr. 845 datë 03.07.2025, i Ministrit të Ekonomisë, Kulturës dhe Inovacionit. Kjo kontratë hyn në fuqi nga data e nënshkrimit të saj. Mënyra e aplikimit dhe afatet Kandidati duhet të dorëzojë në Zyrën e Administratës së  AKAFPK-së me adresë: Rruga Mustafa Lleshi, Kati i III-të, Godina e Thesarit, Tiranë, ose në mënyrë elektronike (të skanuara) në adresën info.akafp@akafp.gov.al dosjen me dokumentet e mësipërme. Mosparaqitja e plotë e dokumenteve brenda afatit të përcaktuar sjell skualifikim të kandidatit. Afati i dorëzimit të dokumentacionit brenda datës 29 Dhjetor 2025, ora 16.30. Të gjitha njoftimet e mëtejshme në lidhje me vazhdimin e procedurave të konkurrimit për këtë shërbim, mund t’i gjeni në adresën e Web Site të Agjencisë Kombëtare të Arsimit, Formimit Profesional dhe Kualifikimeve.

Shtojca