Agjencia Kombëtare e Arsimit, Formimit Profesional dhe Kualifikimeve (AKAFPK), në mbështetje të Ligjit nr.7850, datë 29.07.1994, “Kodi Civil i Republikës së Shqipërisë”, i ndryshuar, nenet 659, 850 – 876, Ligjit nr.69, datë 21.06.2012, “Për Sistemin Arsimor Para universitar në Republikën e Shqipërisë” i ndryshuar, Ligjit nr. 15/2017, datë 16.02.2017 “Për Arsimin dhe Formimin Profesional në Republikën e Shqipërisë” i ndryshuar, Ligjit nr. 23/2018 Për disa ndryshime dhe shtesa në ligjin nr. 10 247, datë 04.03.2010, “Për Kornizën Shqiptare të Kualifikimeve”, i ndryshuar Ligji nr.9380, datë 28.04.2005 “Për të drejtën e autorit dhe të drejtat e tjera të lidhura me të”, i ndryshuar, Ligjit nr. 9367, datë 07.04.2005, “Për parandalimin e konfliktit të interesave në ushtrimin e funksioneve publike” i ndryshuar, VKM nr. 673 datë 16.10.2019 “Për organizimin dhe funksionimin e AKAFPK-së”, Urdhërit të Drejtorit të AKAFPK-së, nr. 21, datë 13.04.2023 “Për miratimin e Udhëzuesit për procedurat e përzgjedhjes dhe shpërblimit të specialistëve të jashtëm dhe bashkëpunëtorëve në projekte, me kontratë, për realizimin e veprimtarive zhvillimore të AKAFPK-së”, shpall konkurrimin për bashkëpunëtorë lidhur me:
- Rishikimin e Programeve të 10 (dhjetë) Kurseve të Unifikura të Formimit Profesional (FP), si më poshtë:
- Program i kursit të unifikuar “Punime ndihmëse hekurkthimi, karpenterie dhe betonimi”.
- Program i kursit të unifikuar “Punime ndihmëse në shtrim dhe veshje me pllaka”.
- Program i kursit të unifikuar “Punime ndihmëse në muratim dhe suvatime”.
- Program i kursit të unifikuar “Punime ndihmëse gipsi, patinime dhe lyerje”.
- Program i kursit të unifikuar “Punime ndihmëse në veshje fasadash”.
- Program i kursit të unifikuar “Punime ndihmëse në ndërtim çatie dhe tarrace”.
- Program i kursit të unifikuar “Përgatitja e ushqimeve në bujtina dhe restorante”.
- Program i kursit të unifikuar “Shërbimi i ushqimeve dhe pijeve në restorant”.
- Program i kursit të unifikuar “Shërbime pastrimi në mjediset e hotelit dhe lavanderi”.
- Program i kursit të unifikuar “Menaxhimi i vendit, logjistikës dhe stafit të eventit”.
- Kërkesat për rishikuesit e Programeve të Kurseve të Unifikuara të FP:
- Të kenë aftësi komunikuese me shkrim dhe me gojë;
- Të kenë aftësi të punës në grup;
- Të përdorin programet bazë të kompjuterit;
- Të zotërojnë teknikat e komunikimit elektronik;
- Të përdorin literaturë në gjuhë të huaj.
- Të kenë mbaruar arsimin e mesëm ose të lartë në fushën përkatëse profesionale;
- Të kenë përvojë në hartimin e kurrikulave/programeve të kurseve;
- Të kenë jo më pak se 3 (tre) vjet përvojë si mësimdhënës/instruktor në kualifikimin profesional përkatës;
- Të kenë jo më pak se 3 (tre) vjet përvojë pune në profesionin përkatës.
- Kërkesë për Aplikim (e firmosur nga kandidati, nëse e sjell dorazi);
- CV në shqip;
- Fotokopje e Diplomës së shkollës së lartë ose të mesme profesionale;
- Fotokopje të certifikatave të kualifikimeve profesionale në fushën përkatëse;
- Kopje të dokumentacionit që vërteton kohëzgjatjen e përvojës si mësimdhënës/instruktor dhe/ose në punë, në fushën përkatëse.
- Kontrata me bashkëpunëtorët që do të shpallen fitues do të ketë një kohëzgjatje 1.5 (një presje pesë) mujore, qysh nga data e nënshkrimit të saj.
- Çdo grup pune për rishikimin e Programeve të Kurseve të Unifikuara të Formimit Profesional do të jetë i përbërë nga 3 ÷ 5 bashkëpunëtorë të shpallur fitues.
- Kandidatët duhet të paraqesin dokumentet brenda datës 10 tetor 2025, ora 14:00.