Njoftim i datës 4 Nentor 2025 – Kërkohet ekspert për përgatitjen e një “White Paper” mbi adoptimin e strategjive të mobilitetit të nxënësve në Shqipëri dhe për hartimin e një “Udhëzuesi të Menaxherit të Mobilitetit” në kuadër të projektit MoMaVET

Reforma e sistemit të arsimit dhe formimit profesional në Shqipëri, përveçse merr në konsideratë çështjet tradicionale si zhvillimi i kurrikulave, trajnimi i mësuesve dhe instruktorëve, si dhe pajisja e shkollave dhe qendrave të trajnimit, po orienton gjithnjë e më shumë drejt një reforme sistemike gjithëpërfshirëse. Kjo reformë do të trajtojë fusha kyçe si Korniza Shqiptare e Kualifikimeve, zhvillimi i kapaciteteve, forcimi institucional, analiza e nevojave për aftësi, dhe partneriteti social. Mësimi i të rriturve, ndonëse një fushë relativisht e re në Shqipëri – ashtu si në shumicën e vendeve të Evropës Juglindore – përfaqëson një fushë reformimi thelbësore. Rëndësia e tij është edhe më e madhe duke marrë parasysh ritmin dhe drejtimin e reformave ekonomike të ndërmarra gjatë periudhës së tranzicionit dhe pasojat përkatëse të tyre. Faktorë si madhësia, struktura dhe niveli i zhvillimit të sektorit privat, të kombinuar me nivelin mesatar të aftësive të fuqisë punëtore, theksojnë nevojën urgjente për forcimin e të nxënit gjatë gjithë jetës dhe të arsimit të të rriturve, në mënyrë që ekonomia dhe forca e punës në Shqipëri të bëhen më konkurruese në një kontekst gjithnjë e më të ndërlidhur rajonalisht dhe globalisht.   Objektivat e përgjithshme   Objektivi kryesor i projektit është forcimi i kapaciteteve të sistemit shqiptar të arsimit dhe formimit profesional (AFP) për t’u hapur ndaj ndërkombëtarizimit dhe për të përfituar nga aktivitetet e mobilitetit, përfshirë pjesëmarrjen në programet evropiane, veçanërisht në Erasmus+ KA1. Projekti parashikon ndërhyrje në dy nivele:

• Niveli strategjik dhe institucional – synon ngritjen e kapaciteteve të AKAFPK-së për zhvillimin, përmirësimin, testimin dhe adoptimin e proceseve dhe procedurave që përfshijnë mobilitetin ndërkombëtar si pjesë të kurrikulave të rregullta të AFP-së. Kjo përfshin përgatitjen e shkollave profesionale për t’u akredituar për mobilitete (sipas standardeve të Kartave të Mobilitetit Erasmus+), përcaktimin e kritereve për emërimin e mësuesve të kualifikuar, dhe hartimin e metodave dhe mjeteve për vlerësimin e të nxënit gjatë mobilitetit, përfshirë përvojat në vendin e punës.

 

• Niveli operacional – synon krijimin e një ekipi bazë prej deri në 20 mësuesish të gatshëm për të marrë pjesë në programe Erasmus+ në deri në 10 shkolla profesionale (nga 35 ekzistuese në gjithë Shqipërinë), duke u ofruar atyre mjete dhe mundësi mësimore.

  Në këtë kuadër, projekti synon të:

1. rrisë kapacitetet e ofruesve të AFP-së në fushat e menaxhimit, përfshirjes, sigurimit të cilësisë, inovacionit dhe ndërkombëtarizimit;
2. mbështesë drejtuesit e shkollave, politikëbërësit dhe mësuesit e AFP-së në afrimin e tregut të punës me arsimin profesional (përmes mësimit në vendin e punës gjatë mobilitetit);
3. përmirësojë njohuritë, aftësitë menaxheriale dhe pedagogjike të mësuesve të AFP-së;
4. integrojë kontributin e mësuesve dhe nxënësve të AFP-së në zhvillimin e kurrikulave dhe reformimin e trajnimeve;
5. përmirësojë nivelin e kompetencave, aftësive dhe punësueshmërisë së nxënësve të AFP-së përmes përfshirjes në mobilitete, me fokus të veçantë në kompetencat kyçe, njohuritë bazë gjuhësore dhe aftësitë digjitale;
6. hapë rrugën për bashkëpunime të ardhshme midis Shqipërisë dhe BE-së përmes iniciativave të përbashkëta.

  Detyrat që do të realizohen   Kërkohet ekspert vendor për të zhvilluar një White Paper mbi adoptimin e strategjive të mobilitetit të nxënësve në Shqipëri, si dhe për të përgatitur një Udhëzues të plotë për Menaxherin e Mobilitetit.   Eksperti/ja do të jetë përgjegjës/e për analizimin e strategjive aktuale të mobilitetit të nxënësve në Shqipëri; hartimin e një dokumenti “White Paper” me praktikat më të mira dhe rekomandime për adoptim; zhvillimin e një udhëzuesi praktik për menaxherët e mobilitetit, për të ndihmuar institucionet në menaxhimin dhe mbështetjen efektive të programeve të mobilitetit të nxënësve. Kontrata parashikohet për 20 ditë pune me pagesë 60 €/ditë (përfshirë tatimin në burim).   Eksperti do të vlerësojë këto aspekte në kuadër të bashkëpunimit me katër organizata partnere:  

• Të dhëna të përgjithshme për shkollat profesionale: numri i nxënësve, numri i mësuesve dhe të dhëna të tjera përkatëse;
• Perceptimet mbi mobilitetin e nxënësve:
  • Cili është opinioni juaj për mobilitetin e nxënësve?
  • A e konsideroni të vlefshëm? Pse po ose pse jo?
  • Çfarë sfidash apo vështirësish keni parashikuar?
• Rezultatet kryesore nga testimet dhe aktivitetet pilot: Çfarë mësimesh janë nxjerrë nga zbatimi i aktiviteteve pilot në Athinë?
• Përvoja e nxënësve jashtë vendit: Si do ta vlerësonit përvojën e nxënësve që kanë marrë pjesë në programet e mobilitetit?

Kualifikimet e kërkuara

• Diplomë e avancuar universitare në Shkencat Natyrore, Ekonomi, Ekonomi Pune, Studime Shoqërore-Ekonomike, Edukim, ose në një fushë të afërt;
• Efikasitet personal dhe aftësi organizative e planifikuese;
• Aftësi në rrjetëzim dhe ndikim;
• Kuptueshmëri dhe komunikim ndërpersonal;
• Aftësi të shkëlqyera komunikimi, prezantimi dhe moderimi;
• Aftësi shumë të mira në shkrim dhe raportim në gjuhën shqipe dhe angleze.

Kohëzgjatja dhe fushëveprimi i detyrës Detyrat e sipërpërmendura do të realizohen brenda një periudhe 1 mujore (tetor–nëntor 2025) me një ngarkesë pune totale prej 20 ditësh pune. Raportimi   Eksperti do të raportojë te kontraktori periodikisht (çdo dy javë) mbi ecurinë e punës.   Aspekte administrative dhe logjistike   Eksperti do të punojë në mënyrë të pavarur. Nëse kërkohet një hapësirë pune për takime apo prezantime, AKAFPK do të ofrojë një stacion pune për këshilltarin. Shpenzimet e udhëtimit dhe komunikimit do të mbulohen nga eksperti, por do të ofrohet koordinim dhe mbështetje nga koordinatorja teknike e këtij aktiviteti pranë AKAFPK-së.   Si dhe ku të aplikoni   Kandidatët e interesuar duhet të paraqesin në adresën e e-mailit: info.akafp@akafp.gov.al:  

• CV të përditësuar;
• Kopjen e diplomës më të lartë të fituar;
• Një emër reference.
• Ofertën financiare

  Afati i aplikimit: deri më 7 nentor 2025, ora 14:00.