Agjencia Kombëtare e Arsimit, Formimit Profesional dhe Kualifikimeve (AKAFPK), si Shërbim Kombëtar Mbështetës për Platformën Evropiane për të nxënit e të Rriturve në Evropë (EPALE), është vlerësuar me një grant nga Programi Evropian për Arsimin dhe Rininë, Erasmus+. Projekti synon si më poshtë: (i) të sjellë EPALE në komunitetin e të nxënit të të rriturve në Shqipëri dhe ta motivojë këtë komunitet për të marrë pjesë në aktivitetet e tij; dhe (ii) të mbështesë Shërbimin Qendror Mbështetës në ofrimin e përmbajtjes cilësore në një platformë shumëgjuhëshe, dinamike, interaktive dhe inovative, përmes ngarkimit të përmbajtjes si në gjuhën angleze ashtu edhe në atë shqipe.
Mësimi për të rriturit është afër, por nuk është sinonim i arsimit dhe trajnimit profesional të vazhdueshëm. Ai zakonisht përdoret: (i) për të ofruar mësim kompensues në aftësi bazë, të cilat individët mund të mos i kenë fituar gjatë arsimit fillestar (si lexim-shkrimi, llogaritja, etj.); (ii) për të mundësuar njerëzit (a) të kenë qasje dhe të arrijnë kualifikime që nuk i kanë fituar, për arsye të ndryshme, në sistemin e arsimit dhe trajnimit fillestar, (b) të përvetësojnë, përmirësojnë ose përditësojnë aftësi ose kompetenca në një fushë të caktuar; kjo është arsimi dhe trajnimi profesional i vazhdueshëm. Aktualisht koncepti i mësimit për të rriturit nuk është i njohur dhe i zhvilluar mirë në reformën e arsimit dhe trajnimit, dhe ndërgjegjësimi për të është ende i ulët në të gjitha nivelet e qeverisjes si dhe midis popullsisë.
Projekti aktual synon promovimin e EPALE në Shqipëri përmes rekrutimit të përdoruesve dhe zhvillimit të aktiviteteve specifike lidhur me arsimin e të rriturve, duke përfshirë alokimin e burimeve të nevojshme njerëzore dhe financiare për
AKAFPK, si dhe ndërtimin e rrjeteve të bashkëpunimit.
Në kuadër të tij, ekziston nevoja për një Ekspert për përdorimin e mediave sociale, i cili do të ofrojë shërbime për
AKAFPK si Shërbime Kombëtare Mbështetëse (NSS) të EPALE, konkretisht për zhvillimin e zgjidhjeve IT për ruajtjen dhe publikimin e informacionit mbi arsimin e të rriturve lidhur me:
- ofruesit, ekspertët, aktivitetet dhe burimet kyçe,
- si dhe për mirëmbajtjen e infrastrukturës, përfshirë mediat sociale, në kuadër të promovimit të EPALE në Shqipëri.
Eksperti do të kryejë detyrat / rezultatet e mëposhtme:
Eksperti pritet të prodhojë dorëzimet e mëposhtme brenda periudhës së punës:
(i) kontribut në përmbajtjen e platformës,
(ii) animim i komuniteteve online dhe seksioneve interaktive/sociale të platformës EPALE,
(iii) mirëmbajtja e faqes web të NSS,
(iv) ngritja e kapaciteteve të stafit IT,
(v) paketë trajnimi për moderimin e diskutimeve online dhe aftësi digjitale për prodhimin e përmbajtjeve dhe përdorimin e mediave sociale (Facebook, Twitter dhe të tjera).
Kërkesa për kualifikim
Eksperti duhet të ketë përvojë në ofrimin e shërbimeve IT për institucione publike, veçanërisht në fushën e arsimit dhe trajnimit, duke prodhuar sisteme dhe produkte të ngjashme me cilësi të lartë, përfshirë përvojën në përdorimin e mediave sociale.
- a) Diplomë Bachelor ose Master në Teknologji të Informacionit dhe Komunikimit (IT/ICT)
- b) Eksperti duhet të jetë një specialist/punonjës IT me përvojë të mëparshme në implementimin e zgjidhjeve të ngjashme për administratën publike.
- c) Eksperti duhet të ketë mbi 5 vjet përvojë pune në fushën e teknologjisë së informacionit dhe sistemeve të menaxhimit të informacionit.
Kompetencat dhe Faktorët Kritike të Suksesit
− Kualifikime dhe/ose përvojë pune në fushë të lidhur.
− Kuptim i demonstrueshëm i punës në kontekst ndërkombëtar dhe ndërkulturor.
− Njohuri mbi menaxhimin e projekteve dhe dëshmi të praktikës së tij.
− Aftësi të jashtëzakonshme ndërpersonale dhe komunikimi, përfshirë aftësi prezantimi dhe lehtësimi.
− Aftësi për të qenë fleksibël dhe pjesë e një ekipi që ka qasje të fortë të bazuar në vlera në punë.
− Kuptim i sektorit të arsimit të të rriturve dhe/ose arsimit të mëtejshëm.
− Njohuri të gjera të rrjeteve sociale, blogeve dhe komuniteteve online.
− Aftësi për të punuar me afate konkrete, për të përmbushur objektivat dhe për të punuar në mënyrë të pavarur dhe bashkëpunuese në një mjedis me performancë të lartë.
Koha dhe fusha e detyrës
Rezultatet e përmendura më sipër pritet të realizohen në një periudhë prej 11 muajsh, duke filluar nga Shkurt 2026 deri në Dhjetor 2026, me një ngarkesë totale pune prej 144 ditësh pune.
Raportimi
Eksperti do të raportojë te kontraktori periodikisht (çdo muaj) mbi progresin e punës. Kontraktori do të sigurojë që të gjitha rezultatet e prodhuara nga eksperti t’i dorëzohen AKAFPK me cilësi të lartë në përputhje me ToR dhe brenda afateve të caktuara.
Pagesa
Pagesa do të bëhet pas dorëzimit të materialeve të dakorduara dhe ditëve të punës të kryera.
Aplikantët e interesuar mund të marrin informacion të mëtejshëm në lidhje me Termat e Referencës në faqet e internetit: http://www.akafp.gov.al; http://www. erasmusplus.al/ose në adresën e mëposhtme, e hënë – e enjte 08:00 – 16:30 dhe të premten 08:00 – 14:00.
Agjencia Kombëtare e Arsimit, Formimit Profesional dhe Kualifikimeve
Adresa: RR.”Mustafa Lleshi”, Godina e Thesarit , Tirana, Albania Tel: + 355 4 2237087
Aplikantët e interesuar duhet të paraqisin dokumentacionin e mëposhtëm:
- Shprehja e interesit,
- CV e përditësuar së fundmi;
- Një kopje e një raporti/studimi të kryer së fundmi
- Diplome
- Dy emra si reference
- Oferta financiare
Dokumentacioni dorëzohet brenda datës 26 shkurt 2026 ora 14:00:
– pranë zyrave të AKAFPK-së, në adresën: rruga “Mustafa Lleshi”, Godina e Thesarit, Kati i tretë, Tiranë;
– në formë elektronike në email-in:
info.akafp@akafp.gov.al.
