NJOFTIM PËR BASHKËPUNËTORË
KËRKOHEN SPECIALISTË TË JASHTËM PËR HARTIMIN E STANDARDEVE TË PROFESIONEVE
Agjencia Kombëtare e Arsimit, Formimit Profesional dhe Kualifikimeve (AKAFPK),
në mbështetje të neneve 659 dhe 850–876 të Ligjit nr. 7850, datë 29.07.1994,
“Kodi Civil i Republikës së Shqipërisë”, i ndryshuar; Ligjit nr. 69,
datë 21.06.2012, “Për Sistemin Arsimor Parauniversitar në Republikën e Shqipërisë”,
i ndryshuar; Ligjit nr. 15/2017, datë 16.02.2017, “Për Arsimin dhe Formimin
Profesional në Republikën e Shqipërisë”, i ndryshuar; Ligjit nr. 10247,
datë 04.03.2010, “Për Kornizën Shqiptare të Kualifikimeve”, i ndryshuar;
Ligjit nr. 9380, datë 28.04.2005, “Për të drejtën e autorit dhe të drejtat
e tjera të lidhura me të”, i ndryshuar; Ligjit nr. 9367, datë 07.04.2005,
“Për parandalimin e konfliktit të interesave në ushtrimin e funksioneve publike”,
i ndryshuar; VKM-së nr. 673, datë 16.10.2019, “Për organizimin dhe funksionimin
e AKAFPK-së”; si dhe Urdhrit nr. 21, nr. prot. 113/1, datë 13.04.2023,
“Për miratimin e Udhëzuesit ‘Për procedurat e përzgjedhjes dhe shpërblimit
të specialistëve të jashtëm dhe bashkëpunëtorëve në projekte, me kontratë,
për realizimin e veprimtarive zhvillimore të AKAFPK-së’”, shpall konkurrimin
për specialistë të jashtëm lidhur me:
1. HARTIMIN E STANDARDEVE TË PROFESIONEVE
- “Menaxherë dhe agjentë të pasurive të patundshme”;
- “Prodhues të produkteve dhe nënprodukteve të qumështit”.
2. ANGAZHIMI DHE PËRBËRJA E GRUPEVE TË PUNËS
Grupet e punës do të angazhohen për hartimin e standardeve të profesioneve,
lidhur me funksionet, detyrat, njohuritë dhe kriteret e performancës për
profesionet në fjalë.
Anëtarët e grupeve të punës duhet të paraqiten pranë AKAFPK-së për zhvillimin
e takimeve të përbashkëta dhe të japin kontribut aktiv në diskutimin dhe
përgatitjen e dokumentacionit për
hartimin e standardeve të profesioneve.
Çdo grup pune do të përbëhet nga
5 deri në 8 anëtarë.
Angazhimi do të realizohet për një periudhë me kohëzgjatje prej
2 (dy) muajsh.
3. KËRKESAT PËR KANDIDATËT
3.1. Kërkesa të përgjithshme
- Të kenë minimalisht arsimin e mesëm dhe/ose një kualifikim në fushën
përkatëse profesionale;
- Të kenë aftësi të mira komunikuese dhe për punë në grup;
- Të kenë aftësi për të përdorur literaturë në gjuhë të huaj;
- Të përdorin kompjuterin.
3.2. Kërkesa të veçanta për hartuesit e standardeve të profesioneve
- Ekspertë të biznesit: Të kenë të paktën 3 vitet e fundit
përvojë pune në fushën profesionale përkatëse;
- Mësimdhënës: Të kenë të paktën 3 vitet e fundit përvojë
pune në mësimdhënie në fushën profesionale të kërkuar.
4. DOKUMENTACIONI PËR APLIKIM
Kandidatët duhet të paraqesin dokumentacionin e mëposhtëm:
- Kërkesë për aplikim;
- CV;
- Fotokopje të diplomës së arsimit të përfunduar;
- Dokument që vërteton kohëzgjatjen e përvojës në punë në fushën përkatëse,
si fotokopje e librezës së punës, vërtetim pune ose deklaratë e kontributeve
nga e-Albania;
- Për mësimdhënësit, vërtetim nga institucioni për kualifikimin që jep dhe
kohëzgjatjen e përvojës;
- Fotokopje të dokumenteve që vërtetojnë kryerjen e kualifikimeve,
trajnimeve dhe specializimeve të ndryshme, nëse disponohen.
5. MËNYRA E APLIKIMIT DHE AFATI
Kujdes: Dokumentacioni duhet të jetë në
gjuhën shqipe, i qartë dhe lehtësisht i lexueshëm.
Mosparaqitja e plotë e dokumenteve sjell
skualifikimin e kandidatit.
Kandidatët duhet të paraqesin dokumentacionin e kërkuar brenda
datës 18 shtator 2026.
Aplikuesit do të vlerësohen në bazë të dokumentacionit të dorëzuar,
në përputhje me kërkesat e këtij njoftimi. Kandidatët fitues do të
njoftohen brenda
5 (pesë) ditësh kalendarike nëpërmjet
e-mailit.
Dokumentacioni mund të dorëzohet pranë zyrave të AKAFPK-së, në adresën:
Rruga “Mustafa Lleshi”, Godina e Thesarit, Kati i III-të, Tiranë
Dokumentacioni mund të dërgohet gjithashtu në mënyrë elektronike në adresën:
info.akafp@akafp.gov.al
.
Të gjitha njoftimet lidhur me procedurat e aplikimit do të publikohen në
faqen zyrtare të Agjencisë Kombëtare të Arsimit, Formimit Profesional dhe
Kualifikimeve:
www.akafp.gov.al.
