Njoftim i dates 29 Gusht 2025- Kerkohen 4 Ambasadore per projektin EPALE

KËRKESË PËR SHPREHJE INTERESI PËR AMBASADORË TË  EPALE PËR TË SUPORTUAR NË ZHVILLIMIN E PËRMBAJTJEVE NË PLATFORMËN ELEKTRONIKE PËR TË NXËNIT E TË RRITURVE NË EUROPË TË ZBATUAR NË SHQIPËRI.  Numri i projektit – 101196933-ERASMUS-EDU-2024-EPALE-IBA Agjencia Kombëtare e Arsimit, Formimit Profesional dhe Kualifikimeve (AKAFPK), si Shërbim Kombëtar Mbështetës për Platformën Evropiane për të nxënit e të Rriturve në Evropë (EPALE), është vlerësuar me një grant nga Programi Evropian për Arsimin dhe Rininë, Erasmus+. Projekti synon si më poshtë: (i) të sjellë EPALE në komunitetin e të nxënit të të rriturve në Shqipëri dhe ta motivojë këtë komunitet për të marrë pjesë në aktivitetet e tij; dhe (ii) të mbështesë Shërbimin Qendror Mbështetës në ofrimin e përmbajtjes cilësore në një platformë shumëgjuhëshe, dinamike, interaktive dhe inovative, përmes ngarkimit të përmbajtjes si në gjuhën angleze ashtu edhe në atë shqipe. AKAFPK ka nevojë për 4 Ambasadorë EPALE për të suportuar në zhvillimin e përmbajtjeve në platformën Elektronike për të nxënit e të rriturve në Europë të zbatuar në Shqipëri.

Objektivi i detyrës

• të sigurojë cilësinë e rezultateve të prodhuara nga AKAFPK si Shërbim Kombëtar Mbështetës për të promovuar EPALE në Shqipëri;
• të ofrojë këshilla teknike për NSS-në mbi zhvillimin e aktiviteteve të planifikuara dhe mbi ndikimin e mundshëm të iniciativave të tilla në Shqipëri.

Ambasadorët e EPALE do të kryejnë detyrat e mëposhtme:

• Identifikimi i përmbajtjes dhe burimeve për EPALE, minimumi 16 ngarkime nga shtator 2025 – dhjetor 2026
• Shkrimi i blogjeve dhe artikujve, minimumi 16 nga shtator 2025 – dhjetor 2026.
• Promovimi i EPALE dhe rekrutimi i përdoruesve në evente për profesionistët e arsimit të të rriturve, minimumi 8 evente nga shtator 2025 – dhjetor 2026.
• Animimi i EPALE duke komentuar përmbajtjen dhe duke kontribuar në diskutime dhe evente editoriale, me minimumi 4 diskutime nga shtator 2025 – dhjetor 2026.
• Ndihma në hartëzimin e sektorit dhe identifikimin e palëve të interesuara kryesore që lidhen me të nxënit e të rriturve në Shqipëri
• Pjesëmarrja në webinare që lidhen me EPALE
• Kontributi aktiv në komunitetin dhe mediat sociale të EPALE, duke shpërndarë informacion, duke filluar debate dhe duke marrë pjesë aktive në to.

Kriteret e përzgjedhjes  Kërkesa të përgjithshme

• Diplomë Masteri ose Studime Pasuniversitare në Shkencat e Sociale, Ekonomike ose në fusha të ngjashme me to
  • Aftësi të provuara për të punuar si profesionist në të nxënit për të rritur
  • Aftësi organizative të mira
  • Njohuri të gjera dhe përvojë pune në temat e të nxënit për të rritur dhe të të nxënit gjatë gjithë jetës – minimum 3 vjet përvojë në tema të ngjashme
  • Aftësi e demonstruar për të komunikuar në mënyrë efektive

Procedura e përzgjedhjes Aplikimet do të vlerësohen bazuar në një analizë kumulative duke marrë parasysh kualifikimet teknike të aplikantit. Raportimi dhe Kohëzgjatja 

• Eksperti do të bashkëpunojë ngushtë me stafin e AKAFPK për të koordinuar përmbajtjen si dhe afatet e dorëzimit.
• Eksperti do të marrë përgjegjësi të plotë për përfundimin e detyrave që nga fillimi i projektit (janar 2025 deri në caktimin e kontratës)

Pagesa Pagesa do të bëhet pas dorëzimit të materialeve të dakorduara dhe ditëve të punës të kryera. Aplikantët e interesuar mund të marrin informacion të mëtejshëm në lidhje me Termat e Referencës në faqet e internetit: http://www.akafp.gov.al; http://www. erasmusplus.al/ose në adresën e mëposhtme, e hënë – e enjte 08:00 – 16:30 dhe të premten 08:00 – 14:00. Agjencia Kombëtare e Arsimit, Formimit Profesional dhe Kualifikimeve Adresa: RR.“Mustafa Lleshi”, Godina e Thesarit , Tirana, Albania Tel: + 355 4 2237087 Aplikantët e interesuar duhet të paraqisin dokumentacionin e mëposhtëm:

• Shprehja e interesit,
• CV e përditësuar së fundmi;
• Një kopje e një raporti/studimi të kryer së fundmi
• Diplome
• Dy emra si reference
• Oferta financiare

Shprehjet e interesit duhet të dorëzohen me shkrim (post) në adresën e mëposhtme: Agjencia Kombëtare e Arsimit, Formimit Profesional dhe Kualifikimeve Adresa: RR.“Mustafa Lleshi”, Godina e Thesarit , Tirana, Albania E-mail address: info@akafp.gov.al, Drejtuar: Znj. Ejvis Gishti Drejtor i Përgjithshëm Këndi i djathtë i zarfit ose subjekti i e-mail-it duhet të tregojë pozicionin përkatës të interesit. Afati i fundit për pranimin e dorëzimit është 5 shtator 2025.2__Request_Ambasador_EPALE__2025-shqip 3_Service-ProcNotice_Ambasador_EPALE_2025-shqip Termat e Referencës-EPALE-AMBASADOR-SHqip